ԵՐԵՎԱՆ, ՆՈՅԵՄԲԵՐԻ 22, 24News
Իսպանիայի մայրաքաղաք Մադրիդում ընթացող թենիսի Դեւիսի գավաթի խաղարկության (աշխարհի ոչ պաշտոնական թիմային առաջնություն) քառորդ եզրափակիչում Ռուսաստանի հավաքականը մրցում է սերբերի հետ։ Մենախաղի երկրորդ մրցախաղում Կարեն Խաչանովը մրցեց Նովակ Ջոկովիչի հետ եւ պարտություն կրեց 1 ժամ 14 րոպեում՝ 3։6, 3։6։
Դիմակայության հաշիվը հավասար է՝ 1։1։ Առաջին մրցախաղում Անդրեյ Ռուբլյովը 6։1, 6։2 հաշվով հաղթել էր Ֆիլիպ Կրայնովիչին։
Կիսաեզրափակիչի ուղեգրի հարցը կվճռվի զուգախաղի Կարեն Խաչանով / Անդրեյ Ռուբլյով – Յանկո Տիպսարեւից / Վիկտոր Տրոիցկի դիմակայությունում։