ԵՐԵՎԱՆ, ՆՈՅԵՄԲԵՐԻ 30, 24News
Երևանի ավագանու «Լույս» խմբակցության անդամ Թեհմինա Վարդանյանը հայտարարել է, որ հստակ տեղեկություններ ունի, որ սեպտեմբեր ամսին քաղաքապետարանի կողմից «Ջերմուկ Գրուպ» ընկերությանը տրվել են Արշակունյաց 18, 18/4, 18/5 և 18/10 հասցեներում շինարարական աշխատանքներ իրականացնելու թույլտվություններ, իսկ փոխարենը՝ 5 ձնամաքրման մեքենա։
«Մենք մինչ այս խոսում էինք աղբատար մեքենաների մասին, բայց արի ու տես, որ սա դեռ ամենը չէ։ Էլ ի՞նչ սպասենք ձեզանից, պարոնայք։ Սա համապատասխանու՞մ մ է իրականությանը։ 4 բազմաբնակարան շենքի կառուցման թույլտվությունը հավասար է 5 ձնամաքրման մեքենա։
Հետայսու, վստահ եղեք, յուրաքանչյուր շինթույլտվություն անցնելու է խոշորացույցի տակով։ Վերջին զարգազումները ցույց տվեցին, որ պետք չէ վստահել ընտրված քաղաքապետին, ցավոք։ Երկուշաբթի հարցում եմ ուղարկելու քաղաքապետին և պահանջեմ վերը նշված շենքերի թույլտվությունները», - Facebook-ի իր էջում գրել է Վարդանյանը։