ԵՐԵՎԱՆ, ԴԵԿՏԵՄԲԵՐԻ 4, 24News
ԱԺ «Բարգավաճ Հայաստան» խմբակցության քարտուղար Արման Աբովյանը պնդում է, որ կուսակցության ղեկավար Գագիկ Ծառուկյանի խոսքը մանիպուլացվել է։ Այս մասին նա ասել է 24TV-ի «Հարցազրույց» հաղորդման եթերում։
Ըստ պատգամավորի՝ ԲՀԿ ղեկավարը չի ասել, թե քաղաքապետարանը շինթույլտվություն է տվել Աբովյան 5 հասցեում գտնվող հյուրանոցի շինարարության համար, այլ ընդամենը փորձել է ապացուցել, որ իրենք ունեն փաստաթուղթ, որը տրվել է քաղաքապետարանի ու մակագրվել քաղաքապետի կողմից։
Նշենք, որ Գագիկ Ծառուկյանը հայտարարել էր, թե քաղաքապետը «պրոբլեմ է ստեղծում» Աբովյան 5 հասցեում հյուրանոցի շինարարություն համար։ Այդ հայտարարությանն անդրադարձել էր Երևանի քաղաքապետի մամուլի խոսնակ Հակոբ Կարապետյանը։
Նա «Ֆեյսբուք»-ի իր էջում գրել էր, թե ««Մուլտի գրուպ» ընկերության կողմից Երևանի Աբովյան 5/1 հասցեում իրականացվող շինարարության օրինականությունը 2018-ի փետրվարին դատարանում վիճարկել է հարևան շինության սեփականատերը և աշխատանքների վերսկսմանը վերաբերող հարցերի քննարկմանը հնարավոր կլինի անդրադառնալ դատարանի՝ ուժի մեջ մտած վճռի պարագայում։
Արման Աբովյանը կարծում է, որ ներդրողներին հիասթափեցնելու թեմայից շեղելու համար է իշխանական քարոզչամեքենան առաջ բերում այս հարցը։
Առավել մանրամասն՝ տեսանյութում։