MAN-ը բախվել է քաղաքացուն օգնության հասած ԱԻՆ ավտոմեքենային․փրկարար է հոսպիտալացվել

ԵՐԵՎԱՆ, ԴԵԿՏԵՄԲԵՐԻ 6, 24News

ԱԻՆ մեքենա

Դեկտեմբերի 5-ին, արտակարգ դեպք է տեղի ունեցել Կոտայքի մարզում: Ժամը 12:30-ի սահմաններում Երևան-Սևան ավտոճանապարհի 42-րդ կմ հատվածում բախվել են Ռուսաստանի Դաշնության քաղաքացի Վլադիմիր Գալանովի վարած MAN մակնիշի K393 YT 163 RUS համարանիշի և Կոտայքի մարզի բնակիչ Հայկ Սարգսյանի վարած ГАЗ 66 մակնիշի 216 VV 01 համարանիշի ավտոմեքենաները:

Վթարի հետևանքով ГАЗ 66-ի ուղևոր Վազգեն Մինասյանը բուժօգնություն ստանալու նպատակով տեղափոխվել է «Հրազդան» բժշկական կենտրոն:

Աղբյուրի հաղորդմամբ՝ ГАЗ 66-ը հաշվառված է ՀՀ արտակարգ իրավիճակների նախարարության փրկարար ծառայության հաշվեկշռում, վարորդն ու վիրավորը աշխատում են ԱԻՆ ՓԾ Հրազդանի հրշեջ-փրկարարական ջոկատում և նրանք նշված վայր էին ժամանել Hyundai մակնիշի 863 AՏ 61 համարանիշի ավտոմեքենայի վարորդին օգնություն ցուցաբերելու նպատակով, քանի որ Hyundai-ը մասամբ կախվել էր կամրջի բետոնե հատվածում ու փրկարարները մինչ սահմանազատում էին տարածքն ու աշխատանքներ էին կատարում ավտոմեքենան անվտանգ վայր տեղափոխելու համար, MAN բեռնատարը բախվել էր ճանապարհի թույլատրելի հատվածում կայանված ГАЗ 66-ին:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Տեսանյութեր

Live

Լրահոս