ԵՐԵՎԱՆ, ԴԵԿՏԵՄԲԵՐԻ 7, 24News
«Լուսավոր Հայաստան» խմբակցության պատգամավոր Տարոն Սիմոնյանը վարչապետ Նիկոլ Փաշինյանի՝ «թաթիկներ կտրելու», «ասֆալտին փռելու», «պատերին ծեփելու» և նմանատիպ այլ հայտարարություններն անթույլատրելի է համարում: 24News-ի հետ զրույցում պատգամավորն ասաց, որ բարձրաստիճան պաշտոնյան նման բառապաշար չպետք է օգտագործի:
«Մենք միջնադարում չենք, որ մարդկանց ձեռքերը կտրեն կամ պատերով տան: Բացի այդ՝ մարդկանց մի որոշ խումբ կարող է մտածել՝ եթե երկրի բարձրաստիճան ղեկավարությունն է այդ տոնով խոսում, ապա բռնություն գործադրելու մեջ վատ բան չկա, ու հանկարծ որոշի ինքն էլ ասֆալտին փռել կամ թաթիկներ կտրել»,-նշեց Սիմոնյանը: