ԵՐԵՎԱՆ, ԴԵԿՏԵՄԲԵՐԻ 10, 24News
Հայաստանում բազմաթիվ են դպրոցները, որոնց վերանորոգման համար կառավարությունը միջոցներ չի գտել՝ նաև այս տարվա բյուջեով։ Այս մասին ԱԺ այսօրվա նիստի ժամանակ ասել է «Բարգավաճ Հայաստան» խմբակցության պատգամավոր Նաիրա Զոհրաբյանն ու ամբիոնից ցուցադրել անմխիթար պայմաններ ունեցող դպրոցների լուսանկարներ։
«Նախագիծ է բերվել, որը ոտքից գլուխ, աջից ձախ քաղաքական է, բացարձակապես քաղաքական։ Որ ՍԴ-ի խնդիրը քաղաքական է` այդ մասին բաց և հրապարակային իր հարցազրույցներից մեկում ասաց ՀՀ փոխվարչապետ Տիգրան Ավինյանը»,- ասել է Զոհրաբյանն ու հավելել՝ իշխանությանը դուր չի գալիս ՍԴ կազմը, իսկ իրենք չեն ուզում, որ երկրում քաղաքական պրեսինգ չլինի։
«Հիմա մեզ առաջարկվում է մեր հարկերից վճարել ՍԴ դատավորներին, որ նրանք գնան տուն, նստեն թախտին և ամսական 1 միլիոն դրամից ավել գումար։ Հարց է առաջանում՝ ինչո՞ւ։ Ստացվում է, որ մենք՝ հարկատուներս, չպետք է լուծենք անմխիթար պայմաններում գտնվող դպրոցների խնդիրները և գումարներ տանք մարդկանց, ովքեր մատնվելու են անգործության»,- շեշտել է Զոհրաբյանը։