ԵՐԵՎԱՆ, ԴԵԿՏԵՄԲԵՐԻ 10, 24News
Ռուսաստանի արտաքին գործերի նախարար Սերգեյ Լավրովը ժամանել է Վաշինգտոն, հայտնում է ТАСС-ը: Ռուսական պատվիրակության օդանավը վայրէջք է կատարել տեղական ժամանակով 00:50-ին:
Միացյալ Նահանգներ ՌԴ ԱԳ նախարարի այցը կտևի մեկ օրից պակաս, բայց նրա ծրագիրն անչափ հագեցած է: Սպասվում է, որ Լավրովին Վաշինգտոնում կընդունի ԱՄՆ նախագահ Դոնալդ Թրամփը, նա բանակցություններ կվարի ԱՄՆ պետքարտուղար Մայք Պոմպեոյի հետ, ինչպես նաև կհանդիպի ամերիկացի քաղաքագետների:
ՌԴ ԱԳՆ ղեկավարը նախորդ անգամ ԱՄՆ մայրաքաղաք էր այցելել 2017 թվականին: