ԵՐԵՎԱՆ, ԴԵԿՏԵՄԲԵՐԻ 10, 24News
ՄԱԿ-ի Գլխավոր վեհաժողովն ընդունել է «Ղրիմի Ինքնավար Հանրապետության, Սևաստոպոլի, Սև և Ազովի ծովերի ջրային տարածքների ռազմականացման վերաբերյալ» բանաձև, որով դատապարտել է Ռուսաստանի Դաշնության կողմից Ղրիմի ու Սևաստոպոլի շրջափակումը:
Ինչպես հայտնում է The Washington Post-ը, նշյալ տարածքներից զորքերը անհապաղ դուրս բերելու կոչով բանաձևին կողմ է քվեարկել 63 երկիր, դեմ՝ 19-ը, այդ թվում՝ Հայաստանը: Մինչդեռ 66 երկիր ձեռնպահ է մնացել, իսկ 45-ը չի մասնակցել քվեարկությանը:
Հայաստանից բացի՝ բանաձևին դեմ են քվեարկել Բելառուսը, Չինաստանը, Հյուսիսային Կորեան, Իրանը, Ղրղզստանը, Սերբիան, Վենեսուելան, Սիրիան և այլ պետություններ:
Նշենք, որ, ի տարբերություն Անվտանգության խորհրդի, ԳՎ բանաձևերն իրավական տեսանկյունից պարտավորեցնող չեն: