ԵՐԵՎԱՆ, ԴԵԿՏԵՄԲԵՐԻ 13, 24News
«Լիվերպուլի» սենեգալցի հարձակվող Սադիո Մանեն ճանաչվել է Անգլիայի առաջնության նոյեմբեր ամսվա լավագույն խաղացող։ Մանեն Պրեմիեր լիգայի 4 խաղում դարձել է 3 գոլի և 1 գոլային փոխանցման հեղինակ։
27-ամյա ֆուտբոլիսն այս մրցանակին արժանանում է երրորդ անգամ։
Առաջին անգամ լավագույնի մրցանակը նա ստացել է 2017թ․ օգոստոսին, երկրորդ անգամ՝ այս տարվա մարտին։
Լավագույն մարզիչ է ճանաչվել «Լիվերպուլի» գլխավոր մարզիչ գերմանացի Յուրգեն Կլոպը։
Կլոպը նոյեմբերի բոլոր հանդիպումներն ավարտել է հաղթանակով։
52-ամյա Կլոպը 6-րդ անգամ է ստանում այս մրցանակը։