ԵՐԵՎԱՆ, ԴԵԿՏԵՄԲԵՐԻ 16, 24News
Իրանի իշխանությունները պատրաստվում են համաշխարհային ինտերնետային ցանցը փոխարինել «ներքին համացանցով»։
Երկրի նախագահ Հասան Ռոուհանիի խորհրդանարանում իր ելույթի ժամանակ ասել է, որ նման հանձնարարական է տվել Իրանի կրոնական առաջնորդ այաթոլա Ալի Խամենեն։
Ռոուհանին նշել է նաև, որ իրանական համացանցը (National Information Network/ NIN) իր նախագահության տարիների ընթացքում 20 անգամ ընդլայնվել է։
Իրանի իշխանությունները մտադիր են աջակցել NIN-ի համընդհանուր շահագործմանը, որպեսզի երկրի քաղաքացիներն այլևս արտասահմանյան տեղեկատվական ցանցերի կարիք չզգան։