ԵՐԵՎԱՆ, ՀՈՒՆՎԱՐ 8, 24News
Վանում 15 օրով կրկին արգելվել է բոլոր տեսակի հանրահավաքների, երթերի ու մամուլի ասուլիսների կազմակերպումը: Նահանգապետարանը հայտարարություն է տարածել, ըստ որի՝ արգելքը գործում է հունվարի 9-ից և կավարտվի հունվարի 23-ին: Այս մասին գրում է Էրմենիհաբերը:
Հայտարարության մեջ ասվում է, որ այդ արգելքը սահմանվել է անվտանգության նկատառումներից ելնելով, ինչպես նաև «հնարավոր ահաբեկչական hարձակումները կանխելու, բնակիչների կյանքի ու գույքի անվտանգությունն ապահովելու և բռնարարքների տարածումը թույլ չտալու» նպատակով:
«Սահմանադրության և օրենքներին համապատասխան՝ մեր նահանգի վարչական սահմաններից ներս 2019թ. հունվարի 9-ից մինչև հունվարի 23-ը ներառյալ 15 օրով արգելվում են բոլոր տեսակի հավաքները, ցույցերը, քայլերթերը, մամուլի ասուլիսները, բողոքի միջոցառումները, ստորագրահավաքները, նստացույցերը, հացադուլերը և նմանատիպ գործողությունները»։
Հիշեցնենք, որ Վանի նահանգապետարանը նման արգելք սահմանել էր նաև դեկտեմբերի 25-ից մինչև հունվարի 8-ը և որպես պատճառաբանություն մեջբերել վերոթվարկյալը: