ԵՐԵՎԱՆ, ՀՈՒՆՎԱՐԻ 10, 24News
Հայ առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանն այսօր Առաջնորդարան հանդիպման էր հրավիրել առաջիկա համապետական ընտրություններին մասնակցելու մտադրության մասին հայտարարած քաղաքական ուժերին եւ նախագահի պաշտոնի հավանական հավակնորդներին:
Արցախի հոգեւոր առաջնորդը քաղաքական ուժերին ու քաղաքական գործիչներին հրավիրել էր իր հորդորը փոխանցելու համար:
Քաղաքական պայքարի այս փուլից Արցախը պետք է դուրս գա ավելի ուժեղացած եւ ոչ թե պառակտված, ասել է նա։ Պարգեւ արքեպիսկոպոս Մարտիրոսյանը քաղաքական ուժերին եւ գործիչներին կոչ է արել նաեւ որոշակի պատասխանատվություն ստանձնել՝ դա ապահովելու համար: