ԵՐԵՎԱՆ, ՀՈՒՆՎԱՐԻ 11, 24News
Իրանի գերագույն հոգևոր առաջնորդ այաթոլա Խամենեին երկրի ԶՈՒ Գլխավոր շտաբին հանձնարարել է բացահայտել Թեհրանի մոտ ուկրաինական ինքնաթիռի կործանմանը հանգեցրած հնարավոր անփութությունը կամ հանցանքը։ Այս մասին ասված է Խամենեիի պաշտոնական կայքում։
Իրանի գերագույն առաջնորդը անկեղծ ցավակցություն է հայտնել վթարի զոհերի ընտանիքներին՝ ընդգծելով ապագայում նման միջադեպերի հնարավորության կանխման անհրաժեշտությունը։
Հիշեցնենք, որ Իրանի նախագահ Հասան Ռոհանին խոստացել էր, որ վթարի համար մեղավորները պատասխանատվության կենթարկվեն։