ԵՐԵՎԱՆ, ՀՈւՆՎԱՐԻ 14, 24News
Deloitte միջազգային ֆինանսական գործակալության եկամուտների վարկանշային աղյուսակում «Բարսելոնա» ֆուտբոլային ակումբը գլխավորում է ցանկի առաջին հորիզոնականը։Կատալոնական ակումբի եկամուտը կազմել է 840,8 միլիոն եվրո: Երկրորդ տեղում «Ռեալ Մադրիդ» ակումբն է` 757,3 միլիոն եկամտով:
Վարկանշային աղյուսակում երրորդը «Մանչեսթեր Յունայթեդն» է՝ 711,5 միլիոն եվրոյով։
Լոնդոնի ամենահարուստ ակումբ է ճանաչվել «Տոտենհեմը»՝ զբաղեցնելով աղյուսակի ութերորդ հորիզոնականը։ Նրան հաջորդում են «Չելսին» և «Արսենալը»`համապատասխանաբար իններորդ և տասնմեկերորդ հորիզոնականներում:
Կրիշտիանու Ռոնալդուի ձեռք բերելու շնորհիվ «Յուվենթուսը» կարողացել է վերադառնալ վարկանշային աղյուսակի առաջին տասնյակ: