ԵՐԵՎԱՆ, ՀՈւՆՎԱՐԻ 14, 24News
«Մարտի 1-ի» տուժողներից մեկի իրավահաջորդ Էդիկ Հարությունյանի հայտարարությունը, թե՝ «հարգեք Մարտի 1-ը, այլապես դուք էլ կընկնեք մեր օրին» պաշտպանության նախկին նախարար Սեյրան Օհանյանի որակմամբ սպառնալիք է․
«Իհարկե սպառնալիք է»,- ասել է Օհանյանը։
Սեյրան Օհանյանը «Մարտի 1-ի» գործով մեղադրվում է ՀՀ սահմանադրական կարգի տապալման մեջ։ Նա 2008 թվականի մարտիմեկյան իրադարձությունների ժամանակ ՀՀ ԶՈՒ ԳՇ պետի պաշտոնն էր զբաղեցնում:
Հարցին, թե ինչ է սպասվում իրեն, Օհանյանը պատասխանել է․
«Կարծում եմ, որ հաջորդ դատավարության ժամանակ կերևա»:
Դատական նիստը հետաձգվել է, քանի որ բացակայում էր Յուրի Խաչատուրովի պաշտպան Միհրան Պողոսյանը։ Հաջորդ նիստը կկայանա հունվարի 21-ը, ժամը 13։00-ին։