ԵՐԵՎԱՆ, ՀՈՒՆՎԱՐԻ 20, 24News
Միլանի Հայ Առաքելական Սուրբ Քառասուն Մանկունք եկեղեցում վարչապետ Նիկոլ Փաշինյանի և տեղի հայ համայնքի ներկայացուցիչների հետ հանդիպման ժամանակ եկեղեցի մուտք գործած և ադրբեջանցի բլոգեր ներկայացած Աթա Աբդուլաևն առաջադրվել է Ադրբեջանում կայանալիք արտահերթ խորհրդարանական ընտրություններում:
Ադրբեջանի արտահերթ խորհրդարանական ընտրությունները նախատեսվում է 2020 թվականի փետրվարի 9-ին: Նախընտրական քարոզարշավը մեկնարկել է հունվարի 17-ին:
Ավելի վաղ հայտնել էինք, որ եկեղեցում Փաշինյանի ելույթի ժամանակ ներս էր մտել ադրբեջանցի մի բլոգեր՝ հայտարարելով, թե քանի որ Փաշինյանը ժողովրդավար է, նրանից խնդրում է դադարեցնել պատերազմը: