ԵՐԵՎԱՆ, ՀՈՒՆՎԱՐԻ 23, 24News
Վարչապետ Նիկոլ Փաշինյանը կառավարության նիստի ժամանակ հայտարարել է, որ կաթ արտադրողները այնքան էլ գոհ չեն իրենց մթերման գներից ու պրակտիկայից, մյուս կողմից ունենք արտադրողներ, որոնք ՀՀ-ում չեն կարող իրենց անհրաժեշտ կաթնային հումքը ձեռք բերել:
«Կարևոր խնդիրը ստացված կաթի պահպանման պայմաններն են ու ջեմաստիճանը, որովհետև արդյունաբերության համար անհրաժեշտ կաթը պետք է պահպանվի 4 աստիճան ջերմությամբ», - ասել է վարչապետը, ապա անդրադարձել է նաև անասնագոմերի հեղձուցիչ, տաք օդին, որը խանգարում է անասունների նորմալ կաթնատվությանը։
«Այն կանխավարկածով ենք, որ էնպես անենք՝ կովերը հանկարծ չմրսեն, բայց պարզվում է, որ կովերի համար մինչև -30 աստիճանը նորմալ ջերմաստիճան է ու ընդհակառակը, էն տաք ջերմաստիճանը, որ ապահովում ենք, դա խանգարում է նրանց նորմալ կաթնատվությանը, պետք է նրանց ապահովել մաքուր օդով», - ասել է վարչապետը: