ԵՐԵՎԱՆ, ՀՈւՆՎԱՐԻ 24, 24News
ԱԺ-ն առաջին ընթերցմամբ 116 կողմ քվեով ընդունել է աշխատող ուսանողների ուսման վարձը եկամտահարկով փոխհատուցելու օրենքի նախագիծը։
Արտոնությունը կգործի կառավարության կողմից սահմանված մասնագիտությունների համար։
«Իմ քայլը» պատգամավորներ Լիլիթ Մակունցի և Սիսակ Գաբրիելյանի ներկայացրած օրինագիծն առաջարկում է մագիստրատուրայում, ասպիրանտուրայում և օրդինատուրայում մի շարք ուսանող և միաժամանակ աշխատող անձանց եկամտային հարկը վերադարձնել՝ ուսման վարձի փոխհատուցման նպատակով:
«Ուսումնական տարվա ավարտից հետո պետությունը ուսման վարձը կփոխհատուցի եկամտային հարկի վերադարձի տեսքով, եթե եկամտային հարկը կբավարարի ուսման վարձի չափով` ոչ ավելի, քան ուսման վարձը»,- ասել է Գաբրիելյանը։