ԵՐԵՎԱՆ, ՀՈԿՏԵՄԲԵՐ 20, 24News
ՀՀ ոստիկանության զորքերի 10/33 զորամասի հրապարակից ոստիկանները մեկնել են մարտական հերթապահության։ Նրանց բարի ճանապարհ է մաղթել ՀՀ ոստիկանապետը։
Դիրքեր ծառայության մեկնող ոստիկանների հետ հանդիպման ժամանակ Վալերի Օսիպյանն անդրադարձել է մամուլում շրջանառվող այն լուրերին, թե ոստիկանները չեն ցանկանում մեկնել առաջնագիծ։
«Այդ սուտ լուրերի հերքողը դուք եք՝ պետական սահմանին ձեր դժվարին ու անձնվիրաբար ծառայությամբ»,– ասել է ոստիկանապետ Օսիպյանը։
Կարճատև արձակուրդից հետո ոստիկանները կանցնեն հասարակական կարգի պահպանության, ինչից հետո կրկին կմեկնեն դիրքեր: