Կուտոյանի կողմից ֆինանսական խնդիր ունենալու վերաբերյալ փաստական տվյալներ չեն ստացվել․ ՔԿ

ԵՐԵՎԱՆ, ՀՈՒՆՎԱՐԻ 25, 24News

կուտոյան

ԱԱԾ նախկին տնօրեն Գեորգի Կուտոյանի կողմից ֆինանսական խնդիրներ ունենալու վերաբերյալ որեւէ փաստական տվյալներ չեն ստացվել: Այս մասին տեղեկանում ենք ՔԿ-ի ֆեյսբուքյան էջից։ ՔԿ հայտարարությունը՝ ստորև․

««Ժողովուրդ» օրաթերթում այսօր Գեորգի Կուտոյանի մահվան դեպքի առթիվ քննվող քրեական գործի քննության վերաբերյալ հրապարակված տեղեկատվության առնչությամբ հայտնում ենք, որ նախաքննությամբ Գ. Կուտոյանի կողմից ֆինանսական խնդիրներ ունենալու վերաբերյալ որեւէ փաստական տվյալներ չեն ստացվել: Բացի դրանից՝ նախաքննության ընթացքում Մեծ Բրիտանիայի դեսպանին հարցում չի ուղարկվել: «Ժողովուրդ» օրաթերթի մեր գործընկերներին հորդորում ենք զերծ մնալ չճշտված տեղեկատվություն հրապարակելուց»:

Հիշեցնենք, որ Երեւան քաղաքի Պարույր Սեւակի փողոցի բնակարաններից մեկում հայտնաբերվել էր ԱԱԾ նախկին տնօրեն Գեորգի Կուտոյանի դին՝ հրազենային վիրավորումով: Նրա դին հայտնաբերել է կինը: Հարուցվել է քրեական գործ` ինքնասպանության հասցնելու հոդվածով:

Տեսանյութեր

Live

Լրահոս