ԵՐԵՎԱՆ, ՀՈՒՆՎԱՐԻ 31, 24News
Պնդում եմ, որ քաղաքական իշխանության կողմից նախագծված «երկքայլային պարզունակ կոմբինացիայի» առաջին քայլը՝ երեկ շրջանառության մեջ դրված նախագիծն առերեւույթ հակասություններ ունի ՀՀ Սահմանադրության 169-րդ հոդվածի 2-րդ մասի առաջին նախադասության հետ։ Այս մասին ֆեյսբուքյան իր էջում գրել է ՍԴ նախագահ Հրայր Թովմասյանի պաշտպան Ամրամ Մակինյանը։
Նա, մասնավորապես, գրել է․
«Խոստացել էի «Ազգային ժողովի կանոնակարգ» սահմանադրական օրենքում փոփոխություններ կատարելու նախագծի վերաբերյալ իմ դիրքորոշումը հայտնել աշխատանքային օրվա վերջում։
Ծանոթանալով նշված նախագծերի փաթեթին՝ պնդում եմ, որ քաղաքական իշխանության կողմից նախագծված «երկքայլային պարզունակ կոմբինացիայի» առաջին քայլը՝ երեկ շրջանառության մեջ դրված նախագիծն առերեւույթ հակասություններ ունի ՀՀ Սահմանադրության 169-րդ հոդվածի 2-րդ մասի առաջին նախադասության հետ։
Ինչ վերաբերում է «երկքայլային պարզունակ կոմբինացիայի» իրավաբանական որակմանը, ապա այն սահմանադրական կարգի տապալման դասագրքային օրինակ է»։