ԵՐԵՎԱՆ, ՓԵՏՐՎԱՐԻ 3, 24News
Վարչապետ Նիկոլ Փաշինյանը Եվրոպական խորհրդի նախագահ Շառլ Միշելի հետ ունեցած հեռախոսազրույցի ժամանակ քննարկել է Հայաստան-ԵՄ հարաբերություններին վերաբերող հարցեր: Հեռախոսազրույցում նրանք հայտնել են ՀՀ-ԵՄ առևտրատնտեսական կապերը զարգացնելու մասին իրենց պատրաստակամությունը:
Խոսելով ժողովրդավարական բարեփոխումներից՝ Շառլ Միշելը նշել է, որ կարևորում է Հայաստանի ընտրած բարեփոխումների ճանապարհը: Հեռախոսազրույցի ընթացքում նրանք քննարկել են նաև հունիս ամսին Բրյուսելում կայանալիք Արևելյան գործընկերության առաջիկա գագաթնաժողովից իրենց սպասելիքների մասին:
Հեռախոսազրույցի նախաձեռնությունը հայկական կողմինն է: