Նիկոլ Փաշինյանը վարչապետի աշխատակազմի գործերի նոր կառավարիչ է նշանակել

ԵՐԵՎԱՆ, ՓԵՏՐՎԱՐԻ 6, 24News

Նիկոլ

ՀՀ վարչապետ Նիկոլ Փաշինյանի որոշմամբ, Վահան Պապիկյանը նշանակվել է վարչապետի աշխատակազմի գործերի կառավարիչ:

«Ղեկավարվելով «Քաղաքացիական ծառայության մասին» Հայաստանի Հանրապետության օրենքի 10-րդ հոդվածի 16-րդ մասով, 16-րդ հոդվածի 3-րդ մասով, հիմք ընդունելով Հայաստանի Հանրապետության կառավարության 2018 թվականի դեկտեմբերի 27-ի N 1554 -Ն որոշման հավելվածի 147-րդ և 151-րդ կետերը և Վահան Պապիկյանի դիմումը՝

1. Վահան Պապիկյանին նշանակել վարչապետի աշխատակազմի գործերի կառավարիչ (պաշտոնի ծածկագիր՝ 06-14-Ղ1-1)։

2. Վահան Պապիկյանի պաշտոնային դրույքաչափը սահմանել «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» Հայաստանի Հանրապետության օրենքին համապատասխան»,-ասված է որոշման մեջ: