«Ամաչում եմ, որ մի թիմում եմ եղել»․ «Հիշեք՝ ինչպես եկաք մեր դուռը». ԼՀԿ-«Իմ քայլը» բանավեճ

ԵՐԵՎԱՆ, ՓԵՏՐՎԱՐԻ 14, 24News

աժ

ԱԺ «Լուսավոր Հայաստան» խմբակցության պատգամավոր Գևորգ Գորգիսյանը ֆեյսբուքյան էջում գրառում է արել՝ պատասխանելով Սիփան Փաշինյանի հայտարարությանը, թե ամաչում է, որ ԼՀԿ-ի հետ եղել է մի թիմում: Գորգիսյանի գրառումը՝ ստորև․

«Երբ միայն բարեկամական կապերի շնորհիվ պատգամավոր դարձած անձը, այդպես էլ չի դառնում քաղաքական գործիչ, չի սովորում ճիշտ գրել նույնիսկ գործընկերների ազգանունները, բայց վստահորեն սկսում է ատելության քարոզ, թերեւս չհասկանալով ինչպես եւ ինչու է տեղի ունեցել հեղափոխությունը։

Հիմա դե արի ու էս մարդկանց հատ հատ բացատրիր, թե ինչ է բազմակարծությունը, քաղաքական բազմազանությունը, քաղաքական բանավեճը եւ քաղաքական երկխոսության մշակույթը։

Մեկ տարուց ավել է, իշխանություն են, բայց չկարողանալով զգալի ձեռքբերումներ գրանցել որեւէ ոլորտում, դեռ ընդդիմություն են խաղում նախորդ իշխանություններին։ Ու քանի որ իրենց պատկերացրած քաղաքական դաշտում կարող է լինել միայն մեկ ընդդիմություն, բոլոր նրանք ովքեր իրենց հետ համաձայն չեն, ուրեմն անպայման նախկինների կողմից են։

Միասին անցած ճանապարհի համար անկեղծ ամաչելուց առաջ, լավ կլիներ հիշել, թե ինչպես Վանաձորում մեծ աղմուկով տապալվելուց հետո, եկաք մեր դուռը՝ դաշինք կազմելու խնդրանքով։

Հարգելիներս, ձեզ 73% ձայն են տվել, որ առաջ շարժվեք ու երկիրն էլ առաջ տանենք, ոչ թե անվերջ շոուներով կռիվ տաք անցյալի ուրվականների դեմ»:

Ավելի վաղ ԱԺ «Իմ քայլը» խմբակցության պատգամավոր Սիփան Փաշինյանը ֆեյսբուքյան էջում գրառում էր արել՝ ներողություն խնդրելով, որ ԼՀԿ պատգամավորների հետ մի թիմում է եղել։

«Կներեք, բայց ես դեժավյու եմ ապրում:

Հեղափոխության օրերին, երբ մենք փողոցում էինք, ու պարզ չէր, թե մեր վերջը ինչ ա լինելու, իմ գործնկերներ Էդմոն Մարուքյանը, Մանե Թանդիլյան, Գևորգ Գյորգիսյանը ամեն օր տարբեր հնարավոր լրատվամիջոցներով հարցազրույցներ էին տալիս՝ փորձելով ստվեր գցել հեղափոխության վրա, համոզում էին, որ բան չի փոխվելու, որ վտանգավոր է, հավանաբար, որ փրկեին Սերժ Սարգսյանի համակարգը:

Նույնը սկսել են հիմա ՍԴ-ի հետ կապված:

Ներողություն եմ խնդրում, բայց ես ամաչում եմ, որ ես մի թիմում եմ գտնվել ձեր հետ, ասում եմ անկեղծորեն:

Արթուր Բաղդասարյանի ճակատագիրը պետք է ունենան բոլոր այն քաղաքական գործիչները, որոնք ժողովրդի ազատ կամարտահայտման գործընթացը փորձում են կասեցնել՝ երկիրը կեղեքած մի քանի կամ մի անձի համար:

Խոսքս չի վերաբերում ամբողջ Լուսավոր Հայաստանի անդամներին»,-գրել էր Սիփան Փաշինյանը:

Տեսանյութեր

Live

Լրահոս