Մխչյան-Դիտակ ճանապարհին վթարի հետևանքով երեխաներ են հոսպիտալացվել

 ԵՐԵՎԱՆ, ՓԵՏՐՎԱՐԻ 24, 24News     

վթար

Փետրվարի 23-ին, ժամը 20:16-ին Ճգնաժամային կառավարման ազգային կենտրոն ահազանգ է ստացվել, որ Արարատի մարզի Դիտակ գյուղի մոտակայքում տեղի է ունեցել ՃՏՊ՝ կա արգելափակված քաղաքացի:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Արարատի մարզի Մխչյան-Դիտակ ավտոճանապարհին բախվել են «Opel Zafira» (վարորդ՝ Գուրգեն Պ., ծնված 1951 թ.) և «ՎԱԶ-2121» (վարորդ՝ Դավիթ Ս., ծնված 1973 թ.) մակնիշների ավտոմեքենաները, ինչի հետևանքով վերջինս կողաշրջվել է: 

Մինչ փրկարարների՝ կանչի վայր հասնելը «Opel Zafira» մակնիշի ավտոմեքենայի ուղևորները (Գարեգին, 1973 թ., Գայանե, 2000 թ., Զինաիդա, 2004 թ., Միլենա, 2013 թ., Գուրգեն, 2016 թ. Պ.-ներ և Զինաիդա Հ. 1956 թ.) և «ՎԱԶ-2121» մակնիշի ավտոմեքնայի վարորդը հոսպիտալացվել են Արտաշատի ԲԿ: Բժիշկները տուժածների առողջական վիճակը գնահատել են միջին ծանրության, այնուհետև տուժածները տեղափոխվել են «Էրեբունի» ԲԿ:

Փրկարարները հոսանքազրկել են ավտոմեքենաները և փակել գազի բալոնների փականները:

Տեսանյութեր

Live

Լրահոս