Գերմանիայից և Իտալիայից դեպի Հայաստան 12 նոր չվերթ կբացվի

ԵՐԵՎԱՆ, ՓԵՏՐՎԱՐԻ 26, 24News

չվերթ

Դեպի Հայաստան 2020 թվականին նախատեսվում է բացել 12 նոր չվերթ, որոնք հիմնականում կլինեն Եվրոպայից: Այս մասին լրագրողների հետ հանդիպման ժամանակ հայտարարել է ՀՀ էկոնոմիկայի նախարարության Զբոսաշրջության կոմիտեի նախագահ Սուսաննա Սաֆարյանը:

«Այս տարի Հայաստանից դեպի Գերմանիա և Իտալիա կունենանք ուղիղ թռիչքներ՝ Հռոմ, Միլան, Մեմինգեն, Բեռլին, ինչպես նաև դեպի եվրոպական այլ երկրներ՝ Պաֆոս, Սալոնիկ, Աթենք, Լառնակա, Վիեննա, Վիլնյուս: Սա բնականաբար կազդի զբոսաշրջային ցուցանիշների աճի  վրա»,- ասել է Պաշտոնյան: