ԵՐԵՎԱՆ, ՓԵՏՐՎԱՐԻ 28, 24News
Թբիլիսիի ինֆեկցիոն հիվանդանոցի տնօրեն Մարինա Էզուգբայայի խոսքով՝ ևս 11 մարդ է հոսպիտալացվել։ Այդ մասին գրում է aliq.ge-ն:
Հիվանդների թիվը մեկուսացված բաժանմունքում հասել է 21-ի: 11-ից 5-ի համար արդեն լաբորատոր հետազոտություններ են անցկացվել, կորոնավիրուս չի հայտնաբերվել: Ամեն դեպքում նշված պացիենտները դեռևս կմնան կարանտինում, քանի որ ապաքինված չեն համարվում: Այժմ սպասում են մնացածի հետազոտությունների պատասխաններին։