Լավրովը ցավակցել է Սիրիայում 33 թուրք զինվորականների մահվան կապակցությամբ

ԵՐԵՎԱՆ, ՓԵՏՐՎԱՐԻ 28, 24News

լավրով

Մոսկվան ցավակցություն է հայտնել Անկարային Սիրիայում թուրք զինվորների մահվան կապակցությամբ, հայտնում է Риа Новости-ն՝ հղում տալով Սերգեյ Լավրովի հայտարարությանը:
 

«Մենք ցավակցություն ենք հայտնում և անում ամեն բան, որպեսզի Իդլիբի շրջանում դեէսկալացիայի ռեժիմն ապահովող թուրք զինծառայողների անվտանգութունն ապահովենք: Մեր զինվորականները պատրաստ են երկրում աշխատանքը շարունակելուն»,- այս մասին հայտնել է Լավրովը՝ մամուլի ասուլիսի ժամանակ:

Ինչպես ավելի վաղ հայտնի էր դարձել, թուրքական բանակը սկսել էր ցամաքային և օդային հարվածներ հասցնել սիրիական բանակի դիրքերի ուղղությամբ:

«Россия-24» հեռուստաալիքի տեղեկություններով՝ թուրք զինվորականներն ու ընդդիմադիր գրոհայինները Իդլիբում կրակ էին բացել սիրիական և ռուսական օդուժի ուղղությամբ․ նրանք փորձել էին խոցել ռազմական ինքնաթիռները:

Թուրքիայի Հաթայ նահանգի նահանգապետ Ռահմի Դողանը հայտարարել է, որ օդային հարվածների հետևանքով թուրքական զինված ուժերը տվել էին 33 զոհ և 32 վիրավոր։
 

Իդլիբում շարունակվում է ծայրահեղ լարված իրավիճակը։

Տեսանյութեր

Live

Լրահոս