ԿԳՄՍՆ հրաժարվել է Կարապետյանի հուղարկավորության արարողության համար հանձնաժողով ստեղծել

ԵՐԵՎԱՆ,  ՓԵՏՐՎԱՐԻ  28,  24News            

Սամվել Կարապետյան

Պատմաբան Վահե Լոռենցն իր ֆեյսբուքյան էջում գրել է․

«ԿԳՄՍ նախարարությունը հրաժարվել է ստեղծել հուղարկավորության հանձնաժողով, Սամվել Կարապետյանի հուղարկավորության արարողությունը կազմակերպելու համար, քանզի Սամվել Կարապետյանը կոչումներ չունի, ուստի նրա մահվան կապակցությամբ հանձնաժողովի ձևավորումը չի համապատասխանում ընթացակարգերին:
Հերթական անգամ ամաչեցի․․․ հա, ամաչեցի․․․ ու ես ՀՀ ՀՊԱՐՏ քաղաքացի չեմ։
Եթե մի ՀՊԱՐՏ երկրում կարևորը ոչ թե վաստակն է, այլ կոչումները, էլ ի՞նչ հպարտության մասին է խոսքը։
Կոչումավոր քանի՞ պորտաբույծ համբալներ կան, որ երկար տարիներ միայն մսխել են, վաստակ չունեն, բայց կոչումներ․․․ որքան ասես։ Ու կոչում ունեցող ծախուներն այսօր էլ զբաղված են ազգային արժեքների օտարմամբ ու ժխտմամբ։
Իսկ Սամվելն իր փոքրիկ խմբով 3 ինստիտուտի գործ է կատարել․․․
Վայելեք ձեր կոչումներն ու պարգևները․․․ պատմությունն իր անաչառ գնահատականը կտա։
Գործդ անմահ է, հիշատակդ՝ փառավոր, եղբա՛յր, Սամվե՛լ․․․

Հ․Գ․ Խնդրում ու պահանջում եմ․ գրառումս քաղաքական շահարկումների չենթարկել»։
 

Տեսանյութեր

Live

Լրահոս