Կորոնավիրուսի կասկածով հոսպիտալացված պացիենտը փախուստի է դիմել․ նրան ձերբակալել են

ԵՐԵՎԱՆ, ՄԱՐՏԻ 4, 24News

կորոնավիրուս

«ՏԱՍՍ» գործակալությունը, հղում անելով բժշկական շրջանակներում ունեցած իր աղբյուրին, հայտնում է Մոսկվայի շրջանի Դոմոդեդովո քաղաքի հիվանդանոցից փախել է կորոնավիրուսի ախտանիշներով Իտալիայից ժամանած մի հիվանդ: 

Ըստ գործակալության զրուցակցի՝ 31-ամյա տղամարդը ձերբակալվել է և վերադարձվել բժշկական հաստատություն:

Նշենք, որ Ռուսաստանում կորոնավիրուսով վարակման առաջին դեպքը գրանցվել է մարտի 2-ին։ Այս պահին կորոնավիրուս վարակվածների պաշտոնական թիվը ՌԴ-ում 3 է։

Նշենք, որ կորոնավիրուս է հայտնաբերվել նաև մեր հարևան Վրաստանում, Ադրբեջանում, Իրանում, ըստ ոչ պաշտոնական տեղեկատվության՝ նաև Թուրքիայում։

ԱՀԿ-ի կարգադրությունների համաձայն՝ վիրուսի տարածումը կանխելու և սեփական անձը վարակից պաշտպանելու լավագույն միջոցները հետևյալն են․

1․ հետևել հիգիենային, հաճախակի ձեռքերը լվանալ ու վերամշակելը սպիրտ պարունակող միջոցներով,

2․ մրսածության և փռշտալու ժամանակ փակել բերանն ու քիթը անձեռոցիկով, ապա անձեռոցիկը նետել կափարիչով աղբարկղի մեջ,

3․ ջերմության բարձրացման, հազի առաջացման և շնչառական խանգարումների դեպքում հնարավորինս շուտ դիմել բժշկական հաստատություն,

4․ հնարավորինս խուսափել աչքերին, քթին և բերանին դիպչելուց, մարդկանցից ամենաքիչը մեկ մետր հեռավորություն պահել, մանավանդ եթե նրանք հազում են և բարձր ջերմություն ունեն։

Փետրվարի 28-ի դրությամբ ամբողջ աշխարհում կորոնավիրուսով վարակվածների թիվը գերազանցում է 83 հազարը։ Այն տարածվել է մոլորակի ավելի քան 60 երկրում:

Կորոնավիրուսի առողջացածների, վարակվածների և մահացածների թվին, ինչպես նաև կորոնավիրուսով վարակված քաղաքացի ունեցող երկրների ցանկին կարելի է ծանոթանալ և օնլայն հետևել https://www.worldometers.info/coronavirus/ հասցեում։