ԵՐԵՎԱՆ, ՄԱՐՏԻ 13, 24News
Թուրքիայի նախագահ Ռեջեփ Թայիփ Էրդողանը կորոնավիրուսի տարածման պատճառով որոշում է կայացրել չեղարկել թուրք պաշտոնյաների արտասահմանյան այցերը։ Այս մասին հայտնում է Ermenihaber-ը։
Այդ կապակցությամբ հրապարակվել է Էրդողանի ստորագրությամբ փաստաթուղթ, որն առաջինը տեղադրվել է «Resmi Gazete» պաշտոնական թերթում։
Բացի այդ Էրդողանը չեղարկել է նաև իր բոլոր արտասահմանյան այցերը։
Հիշեցնենք, որ մարտի 11-ին Թուրքիայի առողջապահության նախարար Ֆահրեթթին Քոջան հայտարարել էր, որ Եվրոպայից Թուրքիա ժամանած մեկ քաղաքացու մոտ կորոնավիրուս է հայտնաբերվել։ Մարտի 13-ին էլ հաստատվել է կորոնավիրուսով վարակվելու 2-րդ դեպքը: