ԴԱՀԿ-ն հորդորում է բոլոր վճարումները կատարել վճարահաշվարկային տերմինալների միջոցով

ԵՐԵՎԱՆ, ՄԱՐՏԻ 14, 24News

հասարակական

Հանրապետությունում կորոնավիրուսի վտանգի կանխարգելման խնդիրներից և առողջապահական անվտանգությունից ելնելով, Հարկադիր կատարումն ապահովող ծառայությունը հորդորում է քաղաքացիներին բոլոր վճարումներն իրականացնել վճարահաշվարկային տերմինալների` «Թել-Սել, «Իզի Փեյ», «Իդրամ» «Մոբի Դրամ» վճարային համակարգերի և բանկային փոխանցումների միջոցով՝ խուսափելով ծառայության որևէ ստորաբաժանում այցելելուց: Այս մասին գրում է Հարկադիր կատարումն ապահովող ծառայության «Ֆեյսբուք» սոցիալական ցանցի պաշտոնական էջը:

«Կատարողական վարույթների շրջանակում վճարումները կարող են կատարվել նաև «e-payments» և «ArCa» վճարային համակարգերի միջոցով։ Հարկադիր կատարումն ապահովող ծառայություն այցելելու անհրաժեշտության դեպքում խնդրում ենք պահպանել Առողջապահության նախարարության առաջարկած կանխարգելիչ բոլոր միջոցները։ Հարցերի դեպքում կարող եք զանգահարել Ծառայության թեժ գծին հետևյալ հեռախոսահամարով՝ 060-570-435»,-  նշված է հայտարարության մեջ։