ԵՐԵՎԱՆ, ՄԱՐՏԻ 25, 24News
Հանրային ծառայությունները կարգավորող ծառայությունը ՀՀ-ում կորոնավիրուսով պայմանավորված արտակարգ դրությամբ՝ մամուլի հաղորդագրություն է տարածել, որում, մասնավորապես, ասվում է.
«Հարգելի գործընկերներ,
Հաշվի առնելով Հայաստանի Հանրապետության ողջ տարածքում հանրային ծառայության իրականացման նկատմամբ կիրառվող սահմանափակումների վերաբերյալ Պարետի 24.03.2020 թվականի թիվ 15 որոշումը՝ ՀՀ հանրային ծառայությունները կարգավորող Հանձնաժողովը վիրուսի տարածման կանխարգելման նպատակով ժամանակավորապես անցնում է աշխատանքային հատուկ ռեժիմի՝ դադարեցնելով փաստաթղթերի առձեռն ընդունումը:
Տեղեկացնում ենք, որ դիմումները կարող են ուղարկվել Հանձնաժողովի պաշտոնական էլեկտրոնային փոստի [email protected] և դիմումների ներկայացման e-request.am առցանց համակարգի միջոցով:
Հանձնաժողովում գործում է 010 58 45 29 թեժ գծի հեռախոսահամարը»: