Կապառոսն առաջարկել է ընդգրկվել իր մարզչական շտաբում․ Բերեզովսկի

ԵՐԵՎԱՆ, ՄԱՐՏԻ 27, 24News   

Բերեզովսկի

«Փյունիկի» գլխավոր մարզիչ, Հայաստանի հավաքականի նախկին դարպասապահ Ռոման Բերեզովսկին ասել է, որ Հայաստանի ազգային հավաքականի գլխավոր մարզիչ Խոակին Կապառոսն իրեն առաջարկել է ընդգրկվել հավաքականի մարզչական շտաբում։

Բերեզովսկին նշել է նաև, որ Հավաքականին պատրաստ եմ օգնել ցանկացած կարգավիճակում։

«Շփվել ենք Կապառոսի հետ: Նա ինձ առաջարկել է ընդգրկվել իր մարզչական շտաբում՝ որպես օգնականներից մեկը: Չգիտեմ՝ ամեն ինչ հետագայում ինչպես կդասավորվի, բայց սկզբնական շրջանում դարպասապահների հետ աշխատանքն առաջվա պես կմտնի իմ պարտականությունների մեջ: Դա չի անհանգստացնում: Եթե պետք է, ուրեմն՝ պետք է: Հավաքականին պատրաստ եմ օգնել ցանկացած կարգավիճակով»,- ասել է նա։