ՌԴ-ում գրանցվել է կորոնավիրուսից մահացության հինգերորդ դեպքը. Интерфакс

ԵՐԵՎԱՆ, ՄԱՐՏԻ 28, 24News

ռդ

Մոսկվայում մահացել է կորոնավիրուսով վարակված 69-ամյա կին: Այս մասին հայտնում է Интерфакс-ը: Նրա մոտ հիվանդությունից բացի եղել են կարդիոսկլերոզ, երկրորդ աստիճանի աթերոսկլերոզ և քրոնիկ պիելոնեֆրիտ: Սա ՌԴ-ում կորոնավիրուսից մահվան հինգերորդ դեպքն է:

«Բժիշկները կատարել են բոլոր անհրաժեշտ հետազոտությունները` համալիր բուժմամբ, բայց կնոջը փրկել չի հաջողվել»: Այս մասին հայտնել են Մոսկվայի առողջապահության վարչության մամուլի ծառայությունից:

Նշվել է նաև տարեցների և քրոնիկ հիվանդություններ ունեցող անձանց ինքնամեկուսացման ռեժիմի խիստ պահպանման անհրաժեշտությունը:

Սա կորոնավիրուսից մահացության հինգերորդ դեպքն է Ռուսաստանում: 

Նշենք, որ երկրում վարակվածների ընդհանուր թիվը 62 շրջանում գրանցված դեպքերով հասել է 1264-ի։