ԵՐԵՎԱՆ, ԱՊՐԻԼԻ 1, 24News
«ՌԻԱ Նովոստի» գործակալությունը, հղում անելով «Bloomberg Billionaires Index» (BBI) միլիարդատերերի վարկանշային ցանկի տվյալներին, գրում է, որ 2020 թվականի առաջին եռամսյակում Ռուսաստանի ամենահարուստ մարդկանց ընդհանուր կարողությունը նվազել է 62,65 միլիարդ դոլարով, միևնույն ժամանակ միայն մարտի համար կորուստը 33,1 միլիարդ դոլար է:«Bloomberg»-ի՝ միլիարդատերերի վարկանշային ցուցակն ընդհանուր ներառում է աշխարհի 500 ամենահարուստ մարդկանց, որոնց թվում 24 ռուսաստանցի կա։
«Նորնիկել» ընկերության հիմնական սեփականատերերից մեկի՝ Վլադիմիր Պոտանինի կարողությունը տարեսկզբի համեմատությամբ նվազել է 3,81 միլիարդ դոլարով՝ հասնելով 24,2 միլիարդ դոլարի, սակայն նա միլիարդատերերի վարկանշային ցուցակում շարունակում է մնալ ռուս ամենահարուստ մարդը։
Երկրորդ տեղում է НЛМК առաջնային շահառու Վլադիմիր Լիսինը, որի կարողությունը հունվարից մարտ ընկած ժամանակահատվածում նվազել է 4,7 միլիարդ դոլարով՝ հասնելով 16,7 միլիարդ դոլարի։
Երրորդ տեղում է հայտնվել «Սևերստալ» ընկերության հիմնական սեփականատեր Ալեքսեյ Մորդաշովը, որի կապիտալը նվազել է 4,83 դոլարով՝ մինչև 15,1 միլիարդ դոլար։