ԵՐԵՎԱՆ, ԱՊՐԻԼԻ 3, 24News
Առողջապահության նախարար Արսեն Թորոսյանը ֆեյսբուքյան էջում տեղեկացրել է, որ վարակակիրների թվում էլի կան առողջացած քաղաքացիներ:
«Երեկ օրվա ընթացքում ունեցել ենք 10 առողջացած` կրկնակի բացասական թեստով, ովքեր դուրս են գրվել բժշկական կենտրոններից: Առողջացածների ընդհանուր թիվը դարձավ 43»,-գրել է նախարարը:
Նշենք, որ ԱՆ խոսնակ Ալինա Նիկողոսյանը տեղեկացրել էր որ «Նորք» ինֆեկցիոն կլինիկական հիվանդանոցում արձանագրվել է մահվան 7-րդ դեպք։ 76-ամյա պացիենտն ունեցել է կորոնավիրուսային հիվանդություն, հաստատված երկկողմանի պոլիսեգմենտար թոքաբորբ։ Կինն ունեցել է նաև ուղեկցող խրոնիկ հիվանդություններ, այդ թվում՝ շաքարային դիաբետ, զարկերակային հիպերտոնիա: