ԵՐԵՎԱՆ, ԱՊՐԻԼԻ 6, 24News
Մեկ շաբաթվա ընթացքում չորս մարդ ավելի քան 600 դիմակ է պատրաստել և հանձնել կամավորներին: Այս մասին հաղորդում է «Кубань 24» հեռուստաալիքը։ Խոսքը Սոչիում բնակվող Բարսեղյան ընտանիքի մասին է, որը իր սեփական տունը վերածել է կարի արտադրության: Գործողությանը մասնակցում են Գեորգի Բարսեղյանը, նրա ծնողները ՝ Հասմիկը և Համլետը և Լուսինեի զարմուհին:
Միջինում մեկ դիմակի ստեղծամ համար ծախսվում է 15-20 րոպե , օրական ստացվում է մոտ 200 դիմակ: Ընտանիքը հանձնում է կամավորներին, նրանք էլ բաժանում են կարիքավոր մարդկանց:
«Վիրուսի և կարանտինի հետևանքով բոլորս տանը մնացինք՝ առանց աշխատանքի, - պատմում է Գեորգի Բարսեղյանը: Մի անգամ հեռուստացույցով տեսանք Հայաստանի մասին պատմող սյուժե, որտեղ ամուսինն ու կինը տանը կարանտինային օրերին դիմել էին աշխատակազմին ՝ դիմակների կարման համար նախատեսված նյութերով օգնելու խնդրանքով։ Դե, միևնույն է, տանը նստած են, գործով կզբաղվեն, դիմակներ կկարեն և կօգնեն մարդկանց։ Այս սյուժեից հետո մայրս ասաց ՝ եկեք մենք էլ փորձենք, կարանտին դեռ երկար կտևի, բարի գործ կանենք»,- պատմում է Բարսեղյանը,- ասացինք և արեցինք»:
Նշենք, որ Սոչիում այս օրերին տեղի է ունենում «Մենք միասին ենք» ակցիան: Ակցիայի շրջանակում քաղաքացիները համավարակի օրերին աջակցում են միմյանց։
