Գեղարքունիքի մարզում Porsche Cayenne-ում հայտնաբերվել է 36-ամյա տղամարդու դի

ԵՐԵՎԱՆ, ԱՊՐԻԼԻ 17, 24News

հասարակական

     

Այսօր՝ ապրիլի 17-ին, հրազենի գործադրմամբ սպանություն է տեղի ունեցել Գեղարքունիքի մարզում։ Ժամը 10։20-ի սահմաններում ոստիկանության Գեղարքունիքի մարզային վարչության օպերատիվ կառավարման կենտրոն ահազանգ է ստացվել, որ Ծովագյուղ-Շորժա-Վարդենիս ավտոճանապարհին՝ Porsche Cayenne մակնիշի տրանզիտ համարանիշի ավտոմեքենայի մեջ, տղամարդու դի կա, այս մասին հայտնում է Shamshyan.com-ը։

Ոստիկաններն ու քննիչները ավտոմեքենայի մեջ հայտնաբերել են վարորդի՝ Նոր Նորք 9-րդ զանգվածի բնակիչ՝ 36-ամյա Գեղամ Աբրահամյանի դին։ Դատաբժշկի եզրակացության համաձայն՝ նրա վրա կա հրազենի վնասվածք։

Կասկածյալ Ա. Կիրակոսյանը քննիչի որոշմամբ ձերբակալվել է։