ԵՐԵՎԱՆ, ԱՊՐԻԼԻ 21, 24News
Բելառուսի նախագահ Ալեքսանդր Լուկաշենկոն հայտարարել է, որ Ռուսաստանը հրաժարվել է երկրին հնդկաձավար վաճառել: Այս մասին հաղորդում է Gazeta-ն:
Բելառուսի Մոգիլյովի մարզ կատարած այցի ընթացքում Լուկաշենկոն տարածաշրջանի ղեկավարից հետաքրքրվել է ցանքատարածությունների ընթացքի մասին: Նա հատուկ ուշադրություն է դարձրել հնդկաձավարի մշակմանը՝ կոչ անելով այն արտադրել բավարար քանակությամբ:
«Ռուսները հրաժարվել են մեզ հետ աշխատել, ինչպես որ արել էին նույնը խորհրդային ժամանակներում, երբ շատ հնդկաձավար էինք գնում. այնտեղ ավելի շատ է աճում, քան մեզ մոտ», նշել է Լուկաշենկոն: