«Գլորիա» արտադրամասի շուրջ 2000 աշխատողներին այսօր թույլ չեն տվել աշխատել․ Մարուքյան

ԵՐԵՎԱՆ, ԱՊՐԻԼԻ 21, 24News

Ի հեճուկս կառավարության խոստման, որ ապրիլի 20-ից տեքստիլը կարող է աշխատել, Վանաձորի «Գլորիա» կարի արտադրամասի շուրջ 2000 աշխատողներին այսօր տուգանքների միջոցով թույլ չեն տվել աշխատել, ֆեսյբուքյան իր էջում գրել է ԱԺ ԼՀ խմբակցության պատգամավոր Էդմոն Մարուքյանն՝ անդրադառնալով Վանաձորի «Գլորիա» կարի արտադրամասի շուրջ այսօր ծավալված իրադարձություններին։

«Ահա նրանք արտադրամասից դուրս գալու և բողոքի ցույցի գնալու պահին: Հետաքրքիր է՝ այս մարդկանց ընտանիքներն ինչպե՞ս են գոյատևելու, երբ սոցիալական աջակցությունը նույնպես նրանց շրջանցել է», - գրել է Մարուքյանը՝ կից հրապարակելով տեսանյութ: