ԵՐԵՎԱՆ, ԱՊՐԻԼԻ 27, 24News
«Քաղաքաշինության կոմիտեի նախկին նախագահ Վահագն Վերմիշյանը կմնա կալանավորված»։ Այս մասին 24News-ի հետ զրույցում հայտնեց նրա պաշտպան Մուշեղ Առաքելյանը։
Պաշտպանը հայտնեց, որ Վերաքննիչ դատարանը այսօր մերժել է իրենց բողոքը՝ Վերմիշյանի կալանավորման ժամկետը երկարացնելու որոշման դեմ։
«Անկեղծ ասած՝ այլ պատասխանի չէինք էլ սպասում» - հավելեց պաշտպանը։
Դատարանի որոշումը պաշտպանական կողմը դեռևս չի ստացել․ ստանալուց ու այն ուսումնասիրելուց հետո կքննարկեն հետագա անելիքներն ու վճռաբեկ դատարանին բողոք ներկայացնելու հարցը։