Իշխանությունը վերածվել է ռեժիմի, որը պատրաստ է քաղաքացիների դեմ կիրառել զորք․Արսեն Բաբայան

ԵՐԵՎԱՆ, ՄԱՅԻՍԻ 12, 24News

արսեն

Քաղաքական իշխանությունն արդեն վերածվել է ռեժիմի եւ արդեն բացահայտ ցուցադրում է անհանդուրժողականություն նույնիսկ ոչ քաղաքական քննադատության նկատմամբ։ Այս մասին Ֆեյսբուքի իր էջում գրել է իրավապաշտպան Արսեն Բաբայանը։

Իրավապաշտպանը հիշեցրել է, որ այսօր մի խումբ քաղաքացիներ բողոքի ակցիա են իրականացրել Կենտրոնական բանկի դիմաց, նշել, որ վարկային կազմակերպությունները բարձր տոկոսադրույքներ են սահմանում, իսկ ԿԲ-ն իր գործառույթները չի իրականացնում:

«Ես ամբողջությամբ կիսում եմ բողոքի ակցիայի մասնակիցների պնդումները։ Վարկային կազմակերպությունները տարիներ շարունակ թալանել ու հիմա էլ թալանում են ՀՀ քաղաքացիներին», գրել է Արսեն Բաբայանը եւ խիստ մտահոգիչ համարել  քաղաքական իշխանության «անհանդուրժողականությունը բողոքի ձայն բարձրացնող քաղաքացիների նկատմամբ»։

Բողոքի ակցիա անցկացնող քաղաքացիներին ոստիկանության ծառայողները, Բաբայանի բառերով՝  բիրտ ուժի գործադրմամբ բերման են ենթարկել․

«Քաղաքական իշխանությունը բացահայտ ցուցադրում է անհանդուրժողականություն նույնիսկ ոչ քաղաքական քննադատության նկատմամբ։

Քաղաքական իշխանությունն արդեն վերածվել է ռեժիմի, որը պատրաստ է քաղաքացիների դեմ կիրառել զորք ու հատուկ միջոցներ, եթե փորձեն բողոքել»։