ԵՐԵՎԱՆ, ՕԳՈՍՏՈՍԻ 31, 24News
Այսօր՝ օգոստոսի 31-ին, խոշոր ավտովթար է տեղի ունեցել Գեղարքունիքի մարզում: Ժամը 17:50-ի սահմաններում Սևանի բնակիչ, 21-ամյա Կարեն Հակոբյանը Երևան-Իջևան ավտոճանապարհից դեպի Սևան քաղաքի Ֆրանսիական հրապարակ տանող ճանապարհահատվածում իր վարած ВАЗ 21101 մակնիշի ավտոմեքենայով, դեռևս անհայտ հանգամանքներում, դուրս է եկել ճանապարհի երթևեկելի գոտուց, ընկել աջակողմյան հատվածում առկա փոսի մեջ:
Ինչպես հայտնում shamshyan.com-ը, վթարի հետևանքով Կ. Հակոբյանը մարմնական վնասվածքներով տեղափոխվել է «Սևան» բժշկական կենտրոն: Դեպքի վայր են ժամանել ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի ծառայողները՝ վաշտի հրամանատար Էդգար Սուսլիյանի գլխավորությամբ:
Տեղում հետաքննչական աշխատանքները ղեկավարել է նույն վաշտի ավագ հետաքննիչ Բակուր Սարիբեկյանը, ում կողմից փաստի առթիվ նյութեր են նախապատրաստվում:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
--00--ԱՀ