«Հայ-ռուսական հարաբերություններում ադապտացիոն շրջանն ավարտվել է։ Մենք հիմա թևակոխել ենք բնականոն աշխատանքային փուլ»,- 24TV-ի «Հարցազրույց» հաղորդման եթերում ասել է ԱԺ պաշտպանության և անվտանգության հարցերի մշտական հանձնաժողովի անդամ Տիգրան Կարապետյանը՝ գնահատելով ՌԴ ԱԳ նախարար Սերգեյ Լավրովի այցի արդյունավետությունը։

Պատգամավորի խոսքով՝ իշխանափոխությունից հետո սկզբնական շրջանում ոչ առաջին դեմքերի՝ այլ միջխորհրդարանական մակարդակում որոշակի չհասկացվածության տարրեր եղել են, բայց խնդիրները հարթվել են։

«Հայ-ռուսական հարաբերություններում տեղի է ունեցել որոշակի տրանսֆորմացիա։ Նախկինում դրանք պայմանավորված էին երկրների առաջին դեմքերի անձնական կապերով, իսկ հիմա երկու սուվերեն պետությունների հարաբերություններ են»,- ընդգծել է նա։