ԵՐԵՎԱՆ, ՀՈԿՏԵՄԲԵՐԻ 28, 24News
Մեծ Բրիտանիայի Լորդերի պալատի անդամ և նախկին փոխխոսնակ, բարոնուհի Քերոլայն Քոքսը թվիթերի իր միկրոբլոգում կիսվել է jurist.org-ին տված հարցազրույցով, որը վերնագրվել է. «Բարոնուհի Քերոլայն Քոքսը Լեռնային Ղարաբաղի մասին. «Ոչ մի ազգ չպետք է նավթը դնի մարդասիրական մտահոգություններից առաջ»։
«Եթե հայերը չկարողանային դուրս գալ ԼՂ-ից, ապա պոտենցիալ ցեղասպանության կվերածվեր, և դա խորապես մտահոգիչ է։ Թեև Արցախը միջազգային հանրության կողմից ճանաչված է որպես Ադրբեջանի մաս, նրա հավատարմությունը հայկական և քրիստոնեական ավանդույթներին լայնորեն ճանաչվել է, և դարեր շարունակ այնտեղ ապրած հայերի հարկադիր էթնիկ զտումները որակվել են որպես «ռազմական հանցագործություն»: Այս դաժան քաղաքականության համար անպատժելիություն չպետք է լինի, և մեղավորները պետք է պատասխանատվության ենթարկվեն»,-ասել է Քոքսը։
--00—ՅՄ