Երևանում Mercedes-ը տապալել է հաստաբուն ծառն ու բախվել բնակելի շենքի պատին

ԵՐԵՎԱՆ, ՄԱՅԻՍ 25, 24News

օդ

Երևանում այսօր, Ժամը 05:40-ի սահմաններում, Սպիտակ քաղաքի բնակիչ, 28-ամյա Նշան Ուստյանն իր վարած Mercedes մակնիշի 77 GQ 777 համարանիշի ավտմեքենայով, Խանջյան փողոցում դուրս է եկել ճանապարհի երթևեկելի գոտուց, բախվել հաստաբուն ծառին, տապալել այն և առաջ ընթանալով, բախվել թիվ 45 շենքի պատին:

Ինչպես հայտնում է shamshyan.com-ը, ըստ նախնական տեղեկությունների, վթարի հետևանքով բարեբախտաբար տուժածներ չկան:

Դեպքի վայր են ժամանել ՃՈ 1-ին սպայական գումարտակի 7-րդ դասակի ծառայողները՝ ավագ տեսուչ Վանիկ Սաղոյանի գլխավորությամբ, ում կողմից փաստի առթիվ նյութեր են նախապատրաստվում:

Օպերատիվորեն ժամանել են նաև Կենտրոն վարչական շրջանի ղեկավարի աշխատակազմի կանաչապատման բաժնի ծառայողները, ովքեր մասնատել են ծառը, որից հետո ավտոմեքենան տեղափոխվել է անվտանգ վայր:

 

 

Տեսանյութեր

Live

Լրահոս