Տիգրան Խաչատրյանը և ԱԶԲ-ի պաշտոնյան ընդգծել են Հյուսիս-հարավ ճանապարհի շինարարության կարևորությունը

ԵՐԵՎԱՆ, ՄԱՅԻՍԻ 27, 24News

l-0x0wh-786x458z-1.jpeg

Այսօր՝ մայիսի 27-ին, ֆինանսների նախարար Տիգրան Խաչատրյանն ընդունել է Ասիական զարգացման բանկի (ԱԶԲ) Հայաստանի գրասենյակի տնօրեն Պաոլո Սպանտիգատիին:

Ողջունելով հյուրերին՝ նախարար Խաչատրյանը շնորհակալություն է հայտնել Ասիական զարգացման բանկի ներկայացուցիչներին փոխգործակցության համար և կարևորել ԱԶԲ հետ հաստատված արդյունավետ գործընկերությունը:

Հանդիպման օրակարգում եղել են Ասիական զարգացման բանկի՝ 2022-2025 թթ. վարկային պորտֆելի ձևավորման և հենակետային թեմաների քննարկմանն առնչվող հարցերը: Առանձնահատուկ ընդգծվել է Հյուսիս-հարավ ավտոճանապարհի շինարարության, ինչպես նաև Երևանի ու մարզային ճանապարհային ցանցի և տրանսպորտային ենթակառուցվածքների բարեկարգման առաջնահերթությունը:

Կողմերն անդրադարձել են նաև արդարադատության և առողջապահության ոլորտներում տեխնիկական աջակցության տրամադրման հարցերին: Ձեռք են բերվել մի շարք պայմանավորվածություններ առաջիկա անելիքների վերաբերյալ:

--00--ՀԶ