ԵՐԵՎԱՆ, ՀՈՒԼԻՍԻ 31, 24News
Ո՛չ ես, ո՛չ էլ ընտանիքիս անդամները չենք խոսել հայրիկիս հետ: Այս մասին 24News-ի հետ զրույցում ասաց Վագիֆ Խաչատրյանի դուստրը` Վեռա Խաչատրյանը՝ անդրադառնալով տարածվող այն լուրերին, որ Վագիֆ Խաչատրյանին թույլ են տվել կապ հաստատի ընտանիքի անդամների հետ:
«Ասում են` իբր հայրս չի ուզել խոսի մեզ հետ, չգիտեմ՝ սուտ լուրեր են, չի կարող հայրս չուզենա մեզ հետ խոսել: Ես այս պահին էլ գտնվում եմ Կարմիր խաչի միջազգային կոմիտեում»,- ասաց Վեռա Խաչատրյանը:
ԿԽՄԿ-ն այս մասին հայտնել է իր թվիթերյան միկրոբլոգում, որտեղ ավելի վաղ տեղեկացրել էր, որ բուժման նպատակով Հայաստան տեղափոխվող տղամարդուն ձերբակալման հենց նույն օրն այցելել են Կարմիր խաչի ներկայացուցիչները, որոնցից մեկը բժիշկ է:
Հիշեցնենք, որ շաբաթ օրը Ադրբեջանը Լաչինի միջանցքում առևանգել է բուժման նպատակով Հայաստան տեղափոխվող Արցախի 68-ամյա բնակիչ Վագիֆ Խաչատրյանին:
Մերի Մանուկյան
--00—ԱՊ