ԵՐԵՎԱՆ, ՀՈՒՆՎԱՐԻ 31, 24News
ԱՄԻՕ ԲԱՆԿԸ շարունակում է նոր բրենդի ներքո բացված մասնաճյուղերում հաճախորդներին ներկայացնել իր պրոդուկտներն ու ծառայությունները:
Տիգրան Մեծի պողոտա 44 հասցեում «Վանաձոր» մասնաճյուղը բացվում է ԱՄԻՕԻ նոր բրենդի պահանջներին համապատասխան, ջերմ ու լուսավոր սրահներով՝ ապահովելով հաճախորդների հարմարավետ սպասարկման բոլոր անհրաժեշտ պայմանները: Վանաձոր քաղաքում մասնաճյուղը տարիներ շարունակ ամուր գործընկերային հարաբերություններ է ստեղծել թե՛ պետական և մասնավոր հատվածների, թե՛ ֆիզիկական անձանց հետ:
«ԱՄԻՕ ԲԱՆԿԸ, տարիներ շարունակ լինելով բանկային համակարգի անվերապահ առաջատարը ֆիզիկական անձանց ավանդային պորտֆելով՝ այսօր էլ իր հաճախորդներին է առաջարկում ավանդային պրոդուկտների հարուստ շարք՝ հարմարեցված տարբեր հաճախորդների ցանկություններին և սպասելիքներին»,- Տարածքային զարգացման դեպարտամենտի տնօրեն Սոֆյա Մաճկալյանը ներկայացրեց ԱՄԻՕ ԲԱՆԿԻ ավանդների ձևակերպման նոր, ճկուն համակարգը, որը թույլ է տալիս հաճախորդներին ինքնուրույն կառուցել իրենց ավանդները՝ ցանկություններին և նպատակներին համապատասխան: Բոլոր ավանդատեսակների դեպքում հաճախորդներն ունեն տոկոսների կապիտալացման ընտրության հնարավորություն:
Իր բոլոր ավանդատուներին ԱՄԻՕ ԲԱՆԿՆ առաջարկում է Visa կամ Mastercard վճարահաշվարկային համակարգի քարտեր՝ մինչև պրեմիում դասի Platinum դասի քարտ:
ԱՄԻՕ բանկն իր նոր թվային ռազմավարության շրջանակներում մեկնարկել է թվային ավանդ, որի ձևակերպումը տեղի է ունենում ԱՄԻՕ ՄՈԲԱՅԼ հավելվածի միջոցով: Հենց հավելվածում էլ ստեղծված է այն ճկուն համակարգը, որը թույլ է տալիս հաճախորդին ինքնուրույն կառուցել իր ավանդը: Թվային ավանդը ձևակերպվում է ակնթարթորեն, իսկ ավանդային պայմանագիրը հաճախորդը ստանում է իր էլեկտրոնային հասցեին: Թվային ավանդ ձևակերպող հաճախորդներն ունեն ևս մեկ առավելություն՝ ՀՀ դրամով ավանդների դեպքում մինչև 0.15% ավելի բարձր տոկոսադրույքի տեսքով: ԱՄԻՕ ԲԱՆԿԸ շարունակելու է հաճախորդներին ներկայացնել նոր պրոդուկտներ և ծառայություններ՝ սպասարկումն իրականացնելով ինչպես հեռավար, այնպես էլ բանկի հարմարավետ, յուրօրինակ և դրական լիցքերով հագեցած սրահներում:
Բանկը վերահսկվում է ՀՀ կենտրոնական բանկի կողմից
--00—ԱՊ